Maypig抱不平︰奵屋免費體驗【LDM®細胞美學】攪到我塊面敏感囉!!－美容黑店踢爆組

Maypig抱不平︰奵屋免費體驗【LDM®細胞美學】攪到我塊面敏感囉!!

如果唔係我識既粗口有限，我成篇文都想每句加n隻粗口落去表達我既憤怒指數!!我依家塊面勁敏感仲要係又紅又癢果隻呀 xx!!!好~由個beginning講起, 有網友email maypig話facebook見到奵屋狂賣廣告可以免費體驗【LDM®細胞美學】,心郁想試但又怕比人hardsell, 講真呀~你怕比人sell關我叉事咩(唔好怪maypig我就係甘直咖啦), 我咪頭一句話佢你怕就搵我試? 傻的嗎? 傾多幾句知原因,唔多透露比大家聽, 簡單講幾句佢send左佢張相比我, 講左自己個情況我聽,大家都係中女就膽粗粗去試下果個咩【LDM®細胞美學】!

網上登記十分簡單跳到個網站直接填表,等電話就係甘easy, 第2日就收到電話, 係一個好唔願打電話又不得不打既呀姐, 一打黎既語氣帶點茶記味道「見到你登記左試做,有咩可以幫到你呀?」(係唔係傻咖? 我答冇野幫到我好唔好,幫我咪幫我約日期時間囉!),有樣野我好buy奵屋呢個呀姐約約下時間佢同我「x小姐,其實個試做呢就冇咩幫助,你不如考慮下加$xxx加個xxxxxx(我都聽唔到佢講咩一舊舊甘),你加唔加?」(嘩!你覺得電話就sell到我, 你當我maypig流的嗎?)我直接say NO同佢講試左先, 佢都好好幫我約左下星期做。

到左約果日,上左去佢香港銅鑼灣糖街29-31號匯景商業中心1-4樓 (皇室堡側), 都方便就腳OK啦~差不多到, 去到我d粗口開始黎料, 約我係3樓, 佢黎壞lift, 你知唔知maypig唔係得個名, 我堅係肥,你叫我呢個body行3層樓, 你當我住開唐樓咖?好我忍!都黎到, 條樓梯係真係舊式唐樓既樓梯, 唔知你地有冇返過祖國, 祖國咪好興你行到果個位先比電比光你既,佢就係呢一隻!!!!即係點? 即係行到轉角位先著燈, maypig都叫做肥得黎above average果種美女, 真係唔怕劫財最怕劫色果隻靚法!!!如果你地都想上銅鑼灣奵屋你地問清楚個lift整好未先好去, 行你唔死都客死你!!!!

入到去都未抖返順條氣就見到兩個receptionist企係度笑笑口, 之後就有個manager姨姨嘅出黎serve我入房填個人資料, 淨係中英文名同電話號碼就得, 個staff只係口頭問我夠唔夠18歲, Maypig聽到梗係開心啦 xd 但諗深一層又無理身份證都唔check下啵!

為左網友當然問下佢呢個【LDM®細胞美學】有幾巴芝閉啦, 事關我早排都分享過人地篇文講Neutrogena部細白晶透光能面膜機, 又咪係講照光, manager姨姨答我唔同架啵, 係能量唔同, 我就聽到一頭霧水, 點鬼知咩能量唔同咩大佬…再望一望我, 話我就咁望都冇敏感, 不如唔好做敏感, 做返anti-aging… 我Maypig要做anti-aging?!?!是但la, 都唔想同佢講野, 係free就無所謂la… manager姨姨就帶我行落下面去美容房, 同美容師講「佢塊面冇咩野不過要試做呀, 同佢轉做anti-aging la」, 感覺唔太禮貌囉, 係稱呼做X小姐都得掛大佬, 佢咩呀佢當住我面叫我做~~~~~~~~~佢!!

美容師真係一句野都唔講架，係甘幫我清潔塊面, 然後捽D凍冰冰嘅野上黎, 我問咩黎, 佢就話gel, 之後就搵幫機枝棒係塊面到捽左12分分鐘，個枝野暖暖地, 碌下碌下, 同埋會特別有暗瘡同細紋位碌, 最後再用好暖好舒服既tissue paper清潔D gel, 然後搽番少少cream係眼既位置就完成。十幾分鐘時間, 美容師就話okay啦可以上返上面…(又要我行樓梯,真係貼時間玩自己)

上返去manager姨姨九秒九黎迎接我問我做成點, 問心我覺得唔錯ge係幾舒服… 但又想知多D野, manager姨姨就話其實LDM係聲頻嘅機, 用超聲波去整好D細胞, 就好似中醫咁慢慢調理! 我心諗咁咪要好長時間, manager姨姨話正常package有埋針清同嫩膚療程, 但就冇解釋嫩膚同anti-aging點樣同一部機做, package每一次就1個鐘加15分鐘, 諗住應該好貴啦又唔係啵, $9000/10次都okay, 最緊要係manager姨姨竟然冇sell我, 叫我返去考慮下… 唔sell啵!!! 好難得架!!!

(以下係好想打粗口既內容)做完去食飯呀返到屋企都冇事咖，但一到夜晚洗面就死啦!!!!「那」啦係掂到水都「那」係好X「那」果隻「那」!!!!!諗住用d溫和d既洗面膏仲「那」, 我唔攪塊面啦,怕越攪越壞, 訓左一晚好似好d不過已經feel到腫腫地, 咪打去問點解會攪成甘! 佢話係「有呢D情況係因為你本身太乾, 用多D補濕產品過2-3日就無事!」好快就收左我線! 我講都未講完又冇話投訴你你收我線仲唔講goodbye,真係what the fuxk!!!!

2-3日???依家過左成10日啦!!!你比我做anti-aging做完會「那」既你出聲呀!!!

「美容黑店踢爆組」

踢爆奵屋黑店內容 *5分滿分

奵屋黑sell指數 1

奵屋黑店指數4 (搞到我敏感!!! 搞到我敏感!!! 搞到我敏感!!! 重要要講3次)

奵屋服務指數 4 (要行樓梯走上走落!!!) (又唔係好禮貌!!!)

奵屋海鮮價指數 0

Maypig
Blog Sport Blog: maypigbeautyblacklist.blogspot.com
Weshare Blog: http://www.weshare.hk/maypig
Ulifestyle Blog: http://blog.ulifestyle.com.hk/blogger/maypigchu/
Email: maypigchu@gmail.com